ਕਿਸਾਨ ਯੂਨੀਅਨ ਦੀ ਬੱਸ ਦਾ ਖੁੱਲ੍ਹਿਆ ਸਟੇਰਿੰਗ, ਕੈਂਟਰ ਨਾਲ ਟੱਕਰਾਈ ਬੱਸ

ਕਿਸਾਨ ਯੂਨੀਅਨ ਦੀ ਮਿੰਨੀ ਬੱਸ ਦਾ ਸਟੇਰਿੰਗ ਖੁੱਲ੍ਹਣ ਕਾਰਨ ਬੇਕਾਬੂ ਹੋ ਕੇ ਕੈਂਟਰ ਨਾਲ ਟਕਰਾ ਗਈ, ਜਿਸ ਵਿਚ ਇੱਕ ਕਿਸਾਨ ਆਗੂ ਜ਼ਖ਼ਮੀ ਹੋ ਗਿਆ। ਕ੍ਰਾਂਤੀਕਾਰੀ ਕਿਸਾਨ ਯੂਨੀਅਨ ਇਕਾਈ ਧੌਲਾ ਜ਼ਿਲ੍ਹਾ ਬਰਨਾਲਾ ਦੀ ਮਿੰਨੀ ਬੱਸ ਧਨੌਲਾ ਵਿਖੇ ਇਕੱਠ ਵਿਚ ਸ਼ਾਮਿਲ ਹੋਣ ਜਾ ਰਹੀ ਸੀ, ਜਦੋਂ ਮਾਨਸਾ-ਬਰਨਾਲਾ ਰੋਡ ਉਪਰ ਹੰਡਿਆਇਆ ਨੇੜੇ ਪੁੱਜੇ ਤਾਂ ਮਿੰਨੀ ਬੱਸ ਦਾ ਸਟੇਰਿੰਗ ਖੁੱਲਣ ਕਰ ਕੇ ਬੇਕਾਬੂ ਹੋ ਕੇ ਦੂਜੇ ਪਾਸੇ ਜਾ ਰਹੇ ਕੈਂਟਰ ਨਾਲ ਟਕਰਾ ਗਈ। ਜ਼ਖ਼ਮੀ ਨੂੰ ਇਲਾਜ ਲਈ ਹਸਪਤਾਲ ਭੇਜਿਆ ਗਿਆ ਹੈ।